今個星期睇咩戲 文藝愛情片聲勢最大

今個星期上映嘅新片類型平均，有荷里活穩陣之選，又有鬼片，不過似乎2部文藝愛情片聲勢最大，岩井俊二出品的確有吸引力，所以《你好，之華》係少數將導演、監製當主角咁擺埋上海報嘅電影。見到導演咁出力宣傳，令人有種又期待又怕受傷害，怕期望過大！另一套《比悲傷更悲傷的故事》講明叫你帶定紙巾，有種回到過去睇韓國戲必喊、慘情片當道嘅年代，唔知依家觀眾受唔受？

是愛情嗎？《你好，之華》、《比悲傷更悲傷的故事》

岩井俊二與陳可辛合作，以經典《情書》為藍本寫出《你好，之華》。《情書》算係神級經典，到今時今日仲有人喺一遍白雪入面大叫「 お元気ですか」（你好嗎？），見到 《你好，之華》都擔心破壞情懷同回憶！

故事講述之華 (周迅 飾) 代替離世姐姐之南參加同學會，遇見年少時的傾慕對象尹川 (秦昊 飾)，之華意外地開始向尹川寄出沒有回郵地址的信，講述日常生活中的瑣事及煩惱。另一方面，尹川把回信寄往記憶中之南的舊居，之南的女兒睦睦在好奇心驅使下以母親的名義回信。三人相互傾訴和追憶，往日的記憶慢慢蘇醒，漸漸揭開了三代人糾結的故事，同時也呼喚著每個人邂逅內心最好的自己。

翻拍2009年韓國慘情經典，當年權相祐拍埋唔少慘絕人寰喊到眼盲嘅愛情片，嚟到2018年台灣再次演譯，成為《比悲傷更悲傷的故事》。故事講述 K（劉以豪）和Cream（陳意涵）兩人自高中失去家人後，成為彼此最親密的朋友、唯一的家人；他們相愛相依，卻因為K嘅病而處於朋友以上戀人未滿關係。K為了Cream幸福而擅自幫佢搵好老公。

韓版結局好灰暗，仲其實因為男主角以愛為名嘅逃避而傷害左更多人，台版處理會唔會溫馨熱血少少，就麻煩各位入場睇啦！

凡人英雄《箭神．第一戰》(Robin Hood)

羅賓當然好打得，不死程度拍得住《職業特工隊》，不過好耐無睇過凡人英雄，即係無super power果啲，佢百發百中係因為辛苦練習，努力堅毅所以打得！羅賓 (泰隆艾格頓 飾) 隨十字軍征戰多年，為國為民嘅佢返家後發現因為貪官而民不聊生，女友仲轉投他人懷抱，因此決定聯手敵軍首領約翰 (占美霍士 飾) 成立地下軍，對抗統治者的暴政，拯救萬民。

提早過聖誕《胡桃夾子》(The Nutcracker and The Four Realms)

《胡桃夾子》係經典芭蕾舞團劇目，故事耳熟能詳。嘉拉收到聖誕禮物，一條通往神祕國角嘅魔法鎖匙，途中她遇到胡桃夾子兵、鼠王及美麗的梅糖仙子，更在眾人帶領下走進「雪花王國」、「鮮花王國」及「糖果王國」，展開了難忘的旅程！將劇目影象化嘅好處係，見到好多可愛老鼠朋友同好多好多糖，小朋友應該會睇得好開心！

貓奴必睇《旅貓日記》

貓貓奈奈同貓奴阿悟相知相愛嘅故事！

奈奈（高畑充希 聲演）本來係一隻有尊嚴、唔信人類嘅流浪貓，因為車禍被人類阿悟（福士蒼汰 飾）救起而開始家貓生活。凡事以奈奈為首先嘅阿悟，因故要送走奈奈。為了尋找新主人，一人一貓踏上旅程，不過奈奈只認阿悟做貓奴，無法接受其他人，用盡辦法逃脫，包括在小學同學（山本涼介）面前脫籠而出、故意與高中同學夫婦（廣瀨愛麗絲、大野拓朗）的狗狗打交。無計可施的阿悟只好帶著奈奈，探訪從小照顧自己的阿姨（竹內結子）……

作為毛奴嘅我睇到眼濕濕，毛孩一旦認定你就會忠心不二，所以做得主人要好好對佢地！片中阿悟係好主人嚟，佢都唔想同奈奈分開，至於點解要送走奈奈，你地自己睇啦都係！

不容錯過恐佈片《紅衣小女孩外傳：人面魚》

鬼片、恐佈片長拍長有，不過《人面魚》以在台灣廣為流傳嘅奇聞、轟動一時嘅兇案為故事藍本就睇得人寧舍心寒！

故事講述虎爺(鄭人碩 飾) 驅魔，將威力強大的魔神仔封印進吳郭魚身。未料遭棄置的魚屍嘴中吐出小魚，被男孩(吳至璿 飾) 撿回家中豢養，隨著水族箱中的小魚一天天長大，一連串的怪事也開始發生，尤其是尚未走出丈夫情變陰影的母親(徐若瑄 飾) 更是行為怪異，陷入瘋狂。為了拯救母親，男孩向虎爺求助，原以為化解人面魚的怨念就能阻止一切，沒想到更難解的仇恨，正潛伏在森林裡等著他們……