農曆七月 4個香港猛鬼故事

正式踏入農曆七月，眼見街上有人燒衣，鬼節氣氛愈來愈濃厚，除咗一大輪禁忌，好似12點前返屋企、同唔好游夜水之類，香港呢個彈丸之地，係開埠以來，發生過大大小小的靈異事件，故事講足咁多年都歷久不衰，不如係呢個時侯比大家重溫下啦！咪話我唔警告你呀，膽小慎入！

1. 鬼叫餐

1989年12月新界北一間名叫「潮湧記」嘅茶餐廳接到外賣電話，要加底蛋飯、牛河粉，送到大埔田西邊嘅喜秀花園別墅一個單位。外賣仔第一次按門鐘，無人應，佢再敲門，便「有人」從門縫中遞錢出來，並叫外賣仔將食物放在門口就得。但當晚，茶餐廳老闆清數時，發現一疊冥紙，以為係夥計惡作劇，把所有人叫來盤問，大家卻都說不知道是怎麼回事。

第二日同一個單位又點了外賣，同樣是從門縫中遞錢，老闆數錢時又見到冥紙。於是第三天，老闆親自送外賣過去，諗住透過門縫睇下入面，但完全看不到，再望望啲錢係「港幣」就算。點知返到茶餐廳又變咗冥紙，於是報警。

點知警員到該單位調查，發現四具遺體，估計係天冷燒炭取暖時中毒身亡，死亡超過一個星期，但佢地肚肚子裡卻留著最近幾日從茶餐廳叫外賣的食物。而冥紙上，除咗有外賣仔同老闆嘅指紋，重有其中兩名死者嘅指紋，連香港政府都默認此事，名為「新界北茶餐廳靈異事件」。

2. 鬼媽媽煮飯

當時九龍城寨未拆的一個夏天，城寨某棟傳出惡臭味，但因為當時城寨環境本來就惡劣，所以當地人不以為然，過咗幾星期終於有人難忍惡臭報警。警員大力敲門很久，終於有位六、七歲小妹妹開門，門一開惡臭無比，警員問小妹妹有無大人係屋企，「媽媽唔舒服，剛剛煲好臘腸蒸飯，就返咗房休息」。警員於是入房睇睇，點知發現有條全身發黑、流出屍水的死屍瞓係床上。而小妹妹一直無外出，亦沒人探望過，幾個星期來，都係「鬼媽媽」煮飯比佢地食！

3. 鬼小學探險

元朗屏山達德小學鬧鬼鬧到被《國家地理頻道》選為亞洲十大恐怖地點。學校於1998年停辦，期間有極多鬧鬼傳說。好似2011年9月20 日，有一班少年，竟然夠膽死去「探險」，期間有人話見到鬼同埋聽到聲，唔知係唔係驚得滯，3個少女先後情緒失控、暈倒，仲有人自已捏自己條頸，事件得到傳媒廣泛報道。

4.無頭鬼打牌

網上流傳，1953年彌敦道一幢大廈四樓，發現一間吉屋內，每晚都有四、五個「人」打麻雀，日日如是。最恐怖嘅係，佢地全部身穿白衣，其中一個更成日走到窗前東張西望，而佢地全部都係無頭的，連當時的工商日報都有報道。

相片來源：lolobeni @tumblr