Yahoo奇摩運動 【世界極光特輯】帶你找尋極光的秘密(上)
成日都喺Facebook見到其他人post極光嘅相?覺得極光無乜變化?又或者你覺得睇極光嘅夢想成世人都實現唔到？無論你對極光有咩幻想或者期待，KKday都可以一次過幫你解答。美國、加拿大、北歐嘅極光到底有咩唔同?點解瑞典嘅Abisko可以成為KKday最推薦的極光小鎮?大家一齊睇下啦!
極光一共分為十級，如果好彩見到十級嘅極光籠罩，連用iPhone都影得超請楚～1、2 級的極光可能只有淡淡嘅光度，稍縱即逝。簡單嚟講，想睇極光並唔難，揀啱時間、地點最重要！
全世界可以睇到極光嘅地方有:美國阿拉斯加、加拿大、格陵蘭島、冰島、挪威、瑞典、芬蘭。
美國、加拿大睇極光熱點:
＃美國：阿拉斯加費爾班克斯（Fairbanks, Alaska）
費爾班克斯（Fairbanks）有「北極光之都」嘅稱號，因爲一年之中有243日都籠罩喺極光之下，等於一年之內三分之二時間都有機會睇到極光！每年嘅一至三月，更加係北極光嘅活躍期，如果唔想白行一躺，呢個時間嚟就無走雞啦。
另外費爾班克斯附近，仲有幾間附有溫泉嘅度假村，一邊浸溫泉一邊睇極光，一個字:正!
＃加拿大：白馬鎮、黃刀鎮 (Whitehorse/Yellowknife, Canada)
位於極光環底下嘅白馬鎮同黃刀鎮，睇到極光嘅機率都高達90%。相比阿拉斯加、北歐等地區，黃刀鎮睇極光嘅地點，地勢較為平坦，所以極光被遮蓋。係黃刀鎮欣賞極光嘅話，仲可以睇到好有特色嘅印第安帳篷！
北歐觀看極光的地點:
＃格陵蘭島：堪格爾路斯瓦克 (Kangerlussuaq , Greenland)
堪格爾路斯瓦克 (Kangerlussuaq）是格陵蘭島唯一對外的國際機場，每年平均有高達300天的好天氣，這裡也是追逐極光者不可錯過的地點之一！
＃冰島：藍色冰河湖 (Jökulsárlón, Iceland)
位於冰島首都雷克雅維克不遠處嘅冰河湖 (Jökulsárlón），平時就算唔係睇極光，都係熱門嘅旅遊景點。冰河湖因為火山的關係，沙灘呈現特有嘅黑色，而冰河上面就漂浮住少少淡藍色嘅碎冰石，沙灘同湖泊嘅顏色呈現極大對比，喺衝突下碰撞出最浪漫嘅美景。
冰島幾乎全境都可以到極光，不過氣候不穩，密密落雨，如果想睇到極光需要有啱嘅時間、啱嘅氣候，再配合埋運氣！不過攝影師們都認為冰河湖係一個極具價值拍攝極光嘅地點，湛藍嘅碎冰配上倒映喺湖面上的極光，呈現一種無聲和諧美感。
＃挪威：特羅姆瑟 (Tromso, Norway)
挪威擁有美麗嘅峽灣地形，好多城市環繞著山邊而建，其中特羅姆瑟 (Tromso）最出名，係「北極圈內第一大城」，亦都係全球八大極光觀測地，成座城市建造喺峽灣同河域嘅平原間，只要爬上高處，就可以將特羅姆瑟 (Tromso）嘅風景一覽無遺。
除咗本身嘅美景外，生活機能方便，都係吸引遊客主要原因之一，有大型shopping mall 、街道餐廳林立，甚至可以搭巴士去郊區睇極光，有「最方便極光城市」之稱。
如果你比較怕凍，可以選擇去冰島、挪威觀賞，因爲呢兩個國家有暖流流經，冬天氣候唔會好似其他地方咁凍。特羅姆瑟 (Tromso）有多處賞極光地點，近郊樹林、挪威同芬蘭邊境、海岸公園、小湖環繞嘅Lake Prestvannet、離市區最近嘅Tromsø University Museum等。
好多人會選擇喺Tromso 嘅北極大教堂附近，等極光出現，極光嘅光影同教堂懷舊歷史相互襯托，別有一番風味。
＃瑞典：阿比斯庫(Abisko, Sweden)
阿比斯庫(Abisko)同瑞典機場相距大約一小時車程，係瑞典知名賞極光地點。晴朗無雲、滿天星辰、潔白雪地，令整個畫面美不勝收。呢到亦可以話係賞極光嘅秘境地點，因為好少人知，所以相對觀光客較少。
除了睇極光外，附近仲有阿比斯庫國家公園，大家可以欣賞北歐嘅自然風光，朝早覺得無聊，可以選擇玩狗拉雪橇！阿比斯庫附近都有溫馨民宿選擇，令你冬天都暖笠笠。
＃芬蘭：玻璃穹頂屋 (Kakslauttanen, Finnish)
芬蘭有好多特色建築，賞極光之餘，同時體驗到特別嘅建築之旅，有由冰雪所建成嘅冰雪城堡，裡頭包含冰雪餐廳、冰旅館、冰教堂等等（每年一月到四月）。除咗冰雪城堡之外，賞極光絕佳地點玻璃穹頂屋，更加吸引咗好多追逐極光者慕名而來。
玻璃穹頂屋有透明的玻璃，透過玻璃望住星辰滿佈嘅天空，如果運氣好啲，仲可以遇到星空下嘅極光。
＃芬蘭： 拉布蘭帕茨河 (Paatsjoki, Finnish)
芬蘭北方嘅拉布蘭帕茨河 (Paatsjoki)，有極高機率能夠睇到極光，據聞最佳觀看極光地點就係帕茨河橋。極光映照喺清澈湖面，好似去左夢幻國度咁。
＃芬蘭：穆奧尼奧＆基爾皮斯耶爾維(Muonio&Kilpisjarvi, Finnish Lapland)
一樣係位於芬蘭嘅穆奧尼奧同基爾皮斯耶爾維(Muonio&Kilpisjarvi），除了賞極光之外，仲有雪地探險同乘坐狗拉雪橇活動，亦有野外小屋提供入住，即使睇唔到極光，都可以體驗極地上嘅活動。
番外篇：紐西蘭，蒂卡波湖（Lake Tekapo）
圖片來源
除咗北半球嘅高緯度國家，有「活的地理教室」之稱嘅紐西蘭，都可以觀賞到極光！紐西蘭有火山、冰河、森林、海灘、峭壁、沙漠同沼澤等豐富地形，而蒂卡波湖（Lake Tekapo）就係紐西蘭欣賞極光嘅知名地，湖畔星空，夢幻南極光籠罩紐西蘭天空，令小編都好心動想買機票啊~
>>點去極光秘境阿比斯庫?
▲認識KKday▲
KKday-世界旅遊體驗網站，在全球 54個國家，174 個城市， 有 6000多種不同的行程與體驗。 KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！
KKday 網頁: www.kkday.com
KKday Facebook: KKday
作者: KKday
