用屁股撞你？狗狗5個信任你的表現

河國榮日前在FB話自己隻狗狗因急病送入動物醫院，目前唔係幾樂觀，相中河國榮同瞓喺地上嘅狗狗鼻碰鼻，見者心酸。香港唔少人都養狗狗，視狗狗為朋友或者家人，而狗狗和主人之間的信任並不是首次見面就可以建立起來的，要讓狗狗信任你，主人就花時間和精力去培養同調教。究竟點樣知道狗狗信唔信得過你？當佢做齊以下5個表現，就知你係佢心目中，地位超然啦！

1. 屁股對住你
狗狗用屁股對住你，你可能會覺得佢好冷酷，但其實背部同屁股係狗狗最無防備同脆弱嘅部位。當佢地信任你嘅時候，覺得有安全感，就會將屁股對住你。如果狗狗將屁股朝向主人，而對外人露出尖牙，代表係保護緊你啦！

2. 係你面前便便
便便嘅時候，貓貓狗狗通常會就咁隨便搵一個地方，正因為咁會成為一個明顯嘅目標，呢個時候狗狗需要一個信任嘅伙伴幫佢睇水，所以下次狗狗係你地面前便便，記得唔好鬧佢哋啦！

3. 肚仔露出黎
狗狗仲有一個好脆弱嘅地方，就係佢個肚仔啦。通常係狗狗之間打交個陣，認輸嘅一方就會露出肚仔以表示投降。所以當狗狗向你露出自己肚仔嘅時候，證明佢對你好有誠意，都好信任你。

4. 屁股頂撞你
原來狗狗用屁股頂撞你，唔係想挑釁你，而係一個友善嘅行為。有時狗狗會拎個身坐係主人身上，令自己嘅後尾枕同主人保持一段距離，其實係暗示叫主人快啲摸下自己個頭同背脊，同埋希望自己嘅氣味可以留係主人身上，宣示主權！

5. 背部靠住主人瞓覺
狗狗瞓覺嘅時候，鍾意背靠住啲野，令自己有安全感啲，所以當狗狗訓覺嘅時候挨住你，證明狗狗好信任你，毫無戒備咁交自己畀主人。

狗狗其實好想同人溝通架，可惜語言不通啦，所以我地應該好好咁留意狗狗嘅小動作，有時係代表愛意，有時係代表佢討厭，為咗令狗狗可以舒服開心過生活，我哋應該好好了解下佢哋嘅小動作啦！

相片來源: korogang＠tumblr