Yahoo奇摩運動 【裝修當買咗新樓】如何防止牆紙裂開 裝修佬話你知！
文：康少
牆紙係一種應用廣泛嘅室内裝飾材料，色彩豐富、花款多、高檔氣派、施工方便等，係其他室内裝飾材料所不能媲美。
但好多屋企有黐牆紙嘅朋友都有發現，牆紙耐咗開始裂開、發黃、翹起等問題出現。
再鋒利嘅刀都會有生鏽嘅一日，更何況係你屋企嘅牆紙呢，不過唔使驚，以下裝修佬話你知防止牆紙裂開嘅方法，一齊去文！
施工前先試貼
係正式鋪貼前，可通過試貼觀察牆面是否適宜鋪，牆紙效果是否有色差、鼓起、翹起等問題。一般建議先試貼一兩卷，等24個鍾後膠水乾透咗再觀察結果，如果無問題，先再施工。
保持牆面乾燥
鋪貼牆紙前，牆面必須保持適度乾燥同整潔，施工前牆面水份應低於6%，PH值小於9，新水泥牆面施工一般須等20至40日，才可以開始鋪牆紙。
牆紙適當補水
如果氣候相對乾燥，牆紙買返來後先唔好開封，要密封保存，係用之前先打開，牆紙在鋪前要先放係水度浸透補水。 等牆紙自然乾 氣候乾燥時，如果打開門窗，牆紙會因為迅速失水，從而發生收縮變形現象，所以最好等牆紙自然陰乾，係乾燥過程中室內只留少量風進行空氣流通。
牆面基層處理問題
牆面基層質量唔好，如牆面膠粉唔均勻，牆紙就會容易變形同出現裂紋，如果發現基層處理得唔好，應係翹起位置補膠水，將修補範圍以裂開嘅地方為中心向附近延伸。 牆紙放得耐軟化 牆紙如果放置時間過長，會出現唔同情況嘅軟化，脹伸太大，牆紙乾後易形成皺紋，所以，牆紙鋪前，注意妥善保存。
牆紙翹起現象
牆紙因乾裂翹起後，容易造成乾裂擴大，應及早處理。牆紙出現翹起問題，可用針筒將膠水注入牆紙裂痕邊緣，嘗試將牆紙重新黏實，或用貼牆紙嘅膠水，抹係邊處，將翹起位置撫平，用風筒吹10秒左右，再用手按實，直到黐實，再用風筒吹到乾燥即可。
牆紙劃傷出現裂痕
壁紙出現裂痕，如果無及時處理，會加速牆紙乾裂問題發生，所以需要即刻補救，小刮傷可視情況重新修補，如果面積較大，就需要重新鋪貼新紙。
(以上圖片均來自網路，如有任何版權問題，請與本站聯絡)
消閒資訊由熱新聞提供
原文連結: 裝修佬話你知：防止牆紙裂開方法 (康少)
更多相關內容
裝修佬
致力於令香港沒有麻煩/爛尾的裝修。為實現這個使命，全體裝修佬成員不斷努力，推動裝修、建材、家居市場的規範化，改變著數千萬家庭的裝修方式和置家理念，為用戶創造卓越的互聯網裝修體驗。
