連詩雅講廣東話都有R音 「偽ABC」娛圈仲有邊幾個？

連詩雅被指係「偽ABC」，你睇佢句「Rest in piece」都知啦！而近排佢喺《跟住矛盾去旅行》入面拎埋隻minions公仔出發、狂篤手機之餘，講說話時不斷中英夾雜、英文腔講廣東話又再激起民憤，不斷被人聲討指佢係唔係都加R音、英文太作狀、扮ABC。不過娛樂圈都不乏「偽ABC」之人，你又數到幾多個呢？

鄭秀文
鄭秀文都可以話係「偽ABC」嘅始祖，你而家見到佢可能未必覺得。不過原來佢以前曾經主持過電視音樂節目，介紹英文歌嘅時候啲「R」音多到嚇死人，已經開始俾人話佢扮ABC。不過由於佢唔係好似某啲人咁讀國際學校，有得解釋。佢就唯有話自己係潮州人，有啲口音。不過佢啱啱出嘅廣告都有跡可尋，大家不妨聽吓句「dining」啦！

薛凱琪
同連詩雅一樣經常都要講英文嘅佢經常都俾網民話佢係「偽ABC」，不過佢通常都會解釋因為自己之前喺讀國際學校。不過曾經有人踢爆佢其實係喺國際學校讀中學，其餘讀嘅都係香港本地學府，並唔係真ABC。話說佢14年喺Instagram上載左張相並寫上「Who’s afraid the dark」，備網民捉到佢文法有錯，漏左個of，遭網民恥笑。連佢嘅舊愛房祖名都直接篤爆過佢係假ABC。

徐子珊
曾經被稱爲平民港姐嘅佢觀眾緣一向麻麻，除咗對佢外表觀眾唔多受落之外，最緊要就係佢經常講咩都要加個「R」音，可能因為佢喺美國加州讀U啦！

鄭融
鍾情老外嘅佢之前被記者影到佢喺中環夜蒲，更喺場內公然同老外又攬又啜，老外亦肉緊咁摸佢Pat Pat作回禮。不過開放唔代表就係ABC，ABC亦唔代表開放。鄭融除咗經常講咩都加「R」音乞人憎之外，佢惡劣嘅態度亦都令人十分反感。就好似佢之前接受訪問後，鄭融轉身準備離開嘅時候，好多人目睹她竟以口形爆粗。莫非佢覺得「敢言」都係ABC嘅行為之一？

許亦妮
2011年香港小姐競選季軍同最上鏡小姐許亦妮除咗佢嘅驕人身材令觀眾難忘之外，佢講嘢嘅「R」音亦都令觀眾「一聽難忘」。不過佢之前人紅是非多，佢俾人爆佢「超有異性緣」之外，亦鍾意扮ABC，人緣相當麻麻。