直擊!! 東京櫻花 最新花開實況
港人愛遊日本,尤其每年三至四月日本櫻花正盛開的季節,日本的粉絲絕對不能錯過!不過早前日本氣象局就宣佈今年的開花日及花滿期受到天氣影響以有所延遲,打算專誠到日本賞花的朋友要密切留意著花開期的預測,不然就會白走一趟了! 今日新假期記者就帶你走進 東京櫻花 樹下,看看最新的花開情況。
撰文: Zoe Chan 圖片: 美食的俘虜 foodki.ako / (IG) foodki.ako/ weather news / May
東京櫻花 最新花開情況!
雖然今年因為天氣關係導致櫻花遲開,不過從另一方面睇,即直到5月都仲有機會睇到櫻花,3到4月未請假去日本的話,可以考慮一下5月請幾日去日本,趕上櫻花花期!而剛踏入4月,東京多個地方的櫻花都陸續開花,新假期記者就在剛剛幾天現場直擊,超級靚呀!
目黑川
在東京其中一個非常出名賞櫻地點 – 目黑川,剛剛4月2日拍攝時見到河兩岸的櫻花花開指數相當高,隨便用手機影都可以影出好靚的相片。
代代目公園
代代目公園的櫻花在3月尾已經盛開,不少當地人都襯住好天氣到公園野餐賞花,相當浪漫。所以在這幾天,大家都不難會在公園內見到好多當地人,三五成群席地邊賞櫻邊野餐。
若然大家在這段時間在東京旅遊,又帶齊攝影裝備的話,真的不要浪費大好機會影靚相。人像鏡、遠攝鏡統統都要帶齊,就可以影靚人、影靚景。
網民捕捉 - 上野恩賜公園
公園有滿滿的櫻花木,目前櫻花陸續花開,預計花滿期會在4月7日。
桜並木 @ 上野恩賜公園。 #Japan #Tokyo #tokyosakura #sakura #日本 #東京 #東京桜 #桜 #さくら🌸
A post shared by Peggy Tsang (@peggysnapshot) on Apr 2, 2017 at 3:38pm PDT
A post shared by 동경벚꽃 🌸 (@tokyosakura_) on Apr 5, 2016 at 10:38pm PDT
北の丸公園到處都有正盛開的櫻花,好靚呀!
日本其他地區櫻花花開期預測
由日本的weather news 提供,日本多個地方都在4月頭開花,秋田,札幌等地方會較遲,會在4月中至尾才開花,如果一心要賞花的朋友,可以考慮下札幌等地!
如果大家這段時間是自駕遊,想追櫻的話,其實較北些少的新潐還未開花。至於仙台、福島,現階段仍未適合旅遊,不會推薦給大家吧!
延伸閱讀: